Musiqa bu sevgi (2024)

Tavsif

Farrux ismli yigit tuman madaniyat uyida musiqa to‘garagini boshqaradi. U uzoq yillardan beri shu madaniyat uyida yirik qo‘shiq festivalini tashkil etishni orzu qiladi. Yoshligida noyob va jozibali ovoz sohibi bo‘lgan Farrux to‘ylarda ashula aytib, yaxshi daromad topardi. Biroq, uzoq yillar davomida noto‘g‘ri ishlatilgan ovozi tufayli u o‘z iste’dodidan ayriladi va katta sahnalarda chiqish imkonidan mahrum bo‘ladi. Shunga qaramay, shijoatli va fidokor Farrux orzularidan voz kechmaydi — endi u bu orzuni boshqalarda, ya’ni yosh iste’dodlarda ro‘yobga chiqarishga harakat qiladi. Festivalga u har xil qatlam vakillarini — maktab o‘quvchilaridan tortib, iste’dodli ko‘cha bolalarigacha — jalb qiladi. Ammo hammasi bir qarorga kelgandek bo‘lganida, yangi to‘siq paydo bo‘ladi: tuman hokimi festival o‘tkazilishiga qarshi chiqadi. Sababi — madaniyat uyi joylashgan yer allaqachon bir investor bilan kelishilgan va bu joyni bo‘shatish talabi qo‘yilgan. Farrux esa festivalni aynan shu yerda — o‘zi yoshligida onasiga: “Meni orzularim aynan shu sahnada ushaladi” degan sahnada o‘tkazishni istaydi. Bu va’da unga tinchlik bermaydi, u o‘z orzusi yo‘lida kurashishga qaror qiladi.